Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
АИ-98 бензины Татарстанда бер атна эчендә 4,5 сумнан артыкка кыйммәтләнгән
Татарстанда 7 июльдән 13 июльгә кадәр иң нык кыйммәтләнгән бензин маркасы АИ-98 булды. Росстат мәгълүматлары буенча, аның уртача бәясе берьюлы 4,53 сумга арткан – литры өчен 98,40 сумга кадәр.
Бер атна элек мондый бензинның литры уртача 93,87 сум тора иде.
Ягулыкның башка төрләренә бәя сизелерлек үзгәрмәгән. АИ-95 бензины 10 тиенгә кыйммәтләнде – литры 73,85 сумга кадәр. АИ-92 бәясе 13 тиенгә арткан һәм литры 68,11 сумга җиткән.
Дизель ягулыгы бәясе дә бераз үсте. Бер атна эчендә аның уртача бәясе 8 тиенгә арткан – литр өчен 81,65 сумга кадәр.
Гомумән алганда, хисап чорында Татарстанда автомобиль ягулыгының уртача бәясе 19 тиенгә арткан һәм литры 71,34 сум тәшкил иткән.
Яңалыкларны күзәтеп бару өчен Макс-каналга язылыгыз