Агымдагы елда Түбән Камада капиталь төзекләндерү өчен 446 миллион сум акча тотылачак
Районда “Төзексез торак фондны бетерү” бөтенроссия программасының чираттагы этабы старт алды
(Казан, 16 февраль, “Татар-информ”, Роза Исмәгыйлова). 2011 елда Түбән Кама муниципаль районында 150 дән артык күпфатирлы йорт төзекләндереләчәк. Моның өчен 446 миллион сум акча тотылачак, дип хәбәр итә “Түбән Кама телерадиокомпаниясе”.
Районда “Төзексез торак фондны бетерү” бөтенроссия программасының чираттагы этабы старт алды. Планга шәһәрнең, Кама Аланының һәм торак пунктларның йортлары кертелгән.