Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Бөгелмә районыннан яшь әни илкүләм проект кысаларында кошчылык фермасын ачачак
Ел дәвамында кошларның баш саны 23 меңгә җитәчәк.
(Бөгелмә, 29 февраль, «Татар-информ», «Бөгелмә авазы»). Бөгелмә районыннан яшь әни Елена Лиорек иренең ярдәме белән кошчылыкны үстерүгә Татарстан Авыл хуҗалыгы һәм азык-төлек министрлыгы гранты алды. Ел дәвамында кошларның баш саны 23 меңгә җитәчәк. Бу турыда район басмасы хәбәр итә.
Якын арада төзекләндерелгән бинага бройлерларның беренче партиясен — якынча 5 мең кошны җибәрү планлаштырыла. Продукция сату мәсьәләсе юк — Бөгелмәдә һәм якын-тирәдәге шәһәрләрдә кошларга ихтыяҗ югары.
Хуҗалык тере кош-кортны сатарга планлаштырган арада, алга таба, барлык биналар төзекләндерелгәч, терлек сую цехы төзиячәкләр.
Елена сүзләренчә, бүгенге көндә күбрәк яшьләр кем өчендер түгел, ә үзләре өчен эшләргә омтыла.
«Бу ышаныч һәм алга таба хәрәкәт итәргә көч бирә. Ә дәүләткә илкүләм проектлар һәм ярдәм программалары өчен рәхмәт. Ярдәм булса, яшьләр дә авылда калачак», — ди яшь әни.
Кызыклы яңалыкларны күзәтеп бару өчен Телеграм-каналга язылыгыз