Балтачта 29,9 мең гектар игеннәрнең 22,2 мең гектары җыеп суктырылды

Иң күп уңыш - «Татарстан», «Яңа тормыш» хуҗалыкларында

 (Казан, 27 август, “Татар-информ”). 25 августка Балтач районында пландагы 29 мең 944 гектар игеннәрнең 22 мең 236 гектары җыеп суктырылды. 

«Алга» – 1018, «Якты юл» – 1270, «Игенче»–2079, «Смәел» – 750, «Активист» – 960, «Арбор» – 742, «Яңа тормыш» 1270 гектарда игеннәрне җыеп алып, планны 88–78 процентка үтәделәр.

«Кызыл юл», «Яңа тормыш» колхозы комбайнчылары үткән якшәмбе ялында 400әр тоннадан күбрәк ашлык суктырып алдылар. «Труд», «Игенче», «Якты юл», «Дуслык» хуҗалыклары комбайнчылары да амбарларга 300әр тоннадан күбрәк ашлык озаттылар. Әлегә һәр гектардан иң күп уңыш «Татарстан» – 45, «Яңа тормыш» – 44, «Дуслык» – 37,9, «Арбор» – 36,4, «Сосна» – 35,9, «Кызыл юл» – 35 центнер – хуҗалыкларында, дип хәбәр итә “Хезмәт” басмасы.