Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанның биш районында мөгезле эре терлекнең баш санын арттырганнар
Республикада 70 нәсел хуҗалыгы эшли.
(Казан, 26 февраль, «Татар-информ»). Татарстанның Әтнә, Балтач, Кукмара, Мамадыш һәм Алексеевск районнары узган елда мөгезле эре терлекнең баш санын арттыру буенча лидер булган.
ТР Авыл хуҗалыгы һәм азык-төлек министрлыгының матбугат хезмәте хәбәр иткәнчә, Әтнә районында мөгезле эре терлекнең саны — 574, Балтач районында — 372, Кукмара районында — 603, Мамадыш районында — 449, Алексеевск районында 236 башка арткан.
«2020 елда нәсел хуҗалыкларында савым сыерларының продуктивлыгы 8062 килограмм тәшкил итте, узган елгы күрсәткечкә карата үсеш — 417 килограмм. 2021 елда аны 8450 килограммга җиткерү бурычы тора», — дип искәрттеләр министрлыкта.
Татарстанда 70 нәсел хуҗалыгы исәпләнә, шуның кырык тугызы — сөтчелек, дүртесе — итчелек, өчәр хуҗалык — дуңгызчылык, сарыкчылык, атчылык һәм умартачылык, икешәр хуҗалык — кошчылык һәм җәнлек үрчетү, берсе кәҗә үрчетү юнәлешендә эшли.
ТР Авыл хуҗалыгы һәм азык-төлек министрлыгында сөт юнәлешендәге нәсел хуҗалыкларының эшенә нәтиҗә ясадылар. Республиканың иң яхшы хуҗалыклары һәм районнары кубок белән бүләкләнде.
«Район — нәселле сыерларның баш саны буенча 2020 ел лидеры» номинациясендә — Балтач районы, «Гомерлек продуктивлык буенча чемпион сыер — 2020» юнәлешендә — Мамадыш районының АПК Азык-төлек программасы, «Сөт бирүдәге продуктивлык буенча чемпион сыер — 2020» номинациясендә Кукмара районының «Рассвет» агрофирмасы иң яхшысы дип табылды.
Кызыклы яңалыкларны күзәтеп бару өчен Телеграм-каналга язылыгыз