Зәй төбәгендә «Урак бәйрәме» үтте

 (Казан, 26 август, “Татар-информ”). Зәй районы Иске Маврин авылы халкы «Урак бәйрәме» үткәрде.

Халыкны җиләк-җимеш, яшелчәләрдән әзерләнгән ризыклар, пар бөркеп утырган самоварлар белән каршы алдылар. Кәрзиннәргә тутырылган кабак, чөгендер, кәбестә һ.б яшелчәләрнең зур булып үсүенә сокланмый мөмкин түгел иде. Алсуланып пешкән алмалардан, өлгереп килгән көнбагышлардан теләгәннәр рәхәтләнеп авыз итте.

«Урак бәйрәме»ндә авыл хуҗалыгында тырыш хезмәт куючылар хөрмәтләнде, Рәхмәт хатлары тапшырдылар, дип хәбәр итә “Зәй офыклары” басмасы.