Башкортстанда өч аяклы колын туган
Колыннның фотосы социаль челтәрләрдә чыкты.
Скопировать ссылку
(Казан, 26 май, «Татар-информ»). Башкортстанның Баймак районы Зилем авылында гаҗәп хәл булган. Биредә яшәүченең хуҗалыгында бер ат өч аяклы колын тудырган.
Артур Иделбаев колынның фотосурәтен үзенең социаль челтәрләрдәге битендә урнаштырган. Бу турыда «Башинформ» хәбәр итә.
Яшь бия үзенең колыныннан бер адым да читкә китми, аңа ничек тә ярдәм итәргә тырыша.
Бу хәлгә карата ат хуҗасының фикере хәбәр ителми.