Әтнә районы сөт күләме буенча республикада иң зур күрсәткечкә ирешкән

Бу көнне район күмәк хуҗалыкларының тулай савымы 263,8 тонна тәшкил иткән.

(Әтнә, 26 февраль, «Татар-информ», «Әтнә таңы», Хәмит Бадиков). Татарстан авыл хуҗалыгы һәм азык-төлек министрлыгының сөт күләме буенча 26 февральгә биргән оператив мәгълүматлары буенча, Әтнә районы исемлекнең башында тора. Бу турыда район басмасы хәбәр итә.

Бу көнне район күмәк хуҗалыкларының тулай савымы 263,8 тонна тәшкил иткән. Бу узган елгыга карата 122 процент, республика буенча иң зур күрсәткеч. Саннарга килсәк, былтыргыдан 47,8 тоннага күбрәк, монысы да Татарстанда иң зур сан.

Республика күрсәткечләренә килсәк, көнлек тулай савым былтыргыга карата 105,2 процент тәшкил итә.