Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Азнакай районында азык әзерләү техникасы 98 процентка әзер
Быел бер баш терлеккә 32 берәмлек азк әзерләү бурычы куелган.
(Казан, 25 май, «Татар-информ»). Азнакай районында терлек азыгын җыю техникасы паркын һәм азык саклау урыннарын тикшерделәр. Районның авыл хуҗалыгы предприятиеләре техникасы 98 процентка әзер. Бу турыда Татарстан Авыл хуҗалыгы һәм азык-төлек министрлыгы матбугат хезмәте хәбәр итә.
Комиссия эшендә Татарстан Авыл хуҗалыгы һәм азык-төлек министрлыгының агросәнәгать комплексының инженер-техник тәэмин итү бүлеге башлыгы Ришат Булатов, районның Авыл хуҗалыгы һәм азык-төлек идарәсе башлыгы Рамил Исламов һәм башка җаваплы затлар катнашты.
Комиссия район хуҗалыкларының 50 берәмлек азык җыю техникасын, 39 чапкыч, 20 трактор тырмасын, 57 пресс-җыю агрегатын, 28 теземнәргә салу ургычын карады, агрегатларның эшен һәм автоүлчәгеләрнең төзеклеген тикшереп чыкты.
Тикшерү барышында сусыл азыкны саклау өчен билгеләнгән сенаж траншеяларының әзерлегенә, куркынычсызлык техникасы, янгын куркынычсызлыгы чараларын үтәүгә, шулай ук хезмәт өчен түләү шартларына аерым игътибар бирелде.
Татарстан Республикасы Авыл хуҗалыгы һәм азык-төлек министрлыгы мәгълүматы буенча, быел район алдына шартлыча бер баш терлеккә 32 берәмлек азык әзерләү бурычы куелган. Силос өчен кукуруз 3925 га мәйданда чәчелгән, берьеллык үләннәр — 5841 га. Күпьеллык культуралар 20 мең гектардан артык мәйданны били.
Кызыклы яңалыкларны күзәтеп бару өчен Телеграм-каналга язылыгыз