Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әтнә районында көнлек тулай савым 250 тоннадан арткан
Биредә шәхси хуҗалыклардан җыйган сөт исәпкә алынмаган.
(Әтнә, 25 гынвар, «Татар-информ», «Әтнә таңы»). Татарстан авыл хуҗалыгы һәм азык-төлек министрлыгының 23 гыйнварга биргән оператив мәгълүматларында, бу көнгә Әтнә районы күмәк хуҗалыклары көнлек тулай савымының 262 тоннага җитүе турында хәбәр ителә. Бу турыда район басмасы хәбәр итә.
Узган елга карата 128 процент бу, ягъни, былтыргыдан 57,7 тоннага күбрәк. Ай башыннан исәпләсәк тә, 9,1 тоннага артык. Алдагы көннән дә 0,2 тоннага күбрәк. Шунысы сөендерә, нибары 1 ел элек көнлек тулай савым 200 тонна чиген узды, күптән түгел 250 тоннадан артты.
Кабатлап әйтик, бу — бары күмәк хуҗалыклар өлеше генә, башкалардагы кебек шәхси хуҗалыклардан җыйган сөт исәпкә алынмады.
Бу көнгә Кукмараның көнлек тулай савымы — 293,5 тонна, Балтачта 242,5 тонна булды. Шушы өч районнан тыш, тагын 7 районда 100 тоннадан артык сөт савалар. Татарстан буенча көнлек тулай савым 3581,5 тонна тәшкил итте, былтыргыдан 198,2 тоннага күбрәк булды. Узган елгыга карата — 105,9 процент.
Кызыклы яңалыкларны күзәтеп бару өчен Телеграм-каналга язылыгыз