Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Арча районы делегациясе сөт терлекчелеген үстерү буенча Ленинград тәҗрибәсен өйрәнә
Делегация әгъзалары терлекчелектә кулланыла торган технологияләр белән танышты.
(Казан, 24 гыйнвар, «Татар-информ»).Тәҗрибә алмашу максатларында Татарстан Арча муниципаль районы делегациясе эшлекле сәфәр белән Ленинград өлкәсенә килде. Эшлекле сәфәр программасына Ленинград өлкәсенең авыл хуҗалыгы предприятиеләре җитәкчеләре белән очрашу кертелгән. Бу турыда министрлык матбугат хезмәте хәбәр итә.
Делегация составына Татарстан Республикасы Авыл хуҗалыгы һәм азык-төлек министрлыгының Арча районындагы Авыл хуҗалыгы һәм азык-төлек идарәсе башлыгы Ренат Гатиятов һәм крестьян (фермер) хуҗалыклары җитәкчеләре кергән. Делегацияне Санкт-Петербургта һәм Ленинград өлкәсендә Татарстан Республикасының Даими вәкиле Дамир Сабиров йөртә.
22 гыйнварда Арча районы делегациясе «Детскосельский» концернында булды, ул иң эре агрохолдингларның берсе һәм Россиянең иң яхшы агрохуҗалыкларына керә. Делегация әгъзалары терлекчелектә кулланыла торган технологияләр белән (ашату, рационнар, яшь терлекне үстерү һәм карау), шулай ук заманча сөт-товар фермаларын төзү һәм җиһазлау буенча проектлар белән танышты.
Моннан тыш, делегация әгъзалары тугандаш-районнар арасында хезмәттәшлек турындагы килешү пунктларын гамәлгә ашыру кысаларында 23 гыйнварда Ленинград өлкәсенең Тосненский районында булды.
Ленинград өлкәсендә, шулай ук Татарстанда да сөт терлекчелеге агросәнәгать комплексының өстенлекле тармакларының берсе булып тора һәм югары нәтиҗәләр күрсәтә.
Татарстан Республикасы Арча муниципаль районы икътисадын үстерүдә авыл хуҗалыгы шулай ук өстенлекле юнәлеш булып тора. Авыл хуҗалыгының уңдырышлы җирләре 132,4 мең га тәшкил итә. Район территориясендә эре инвесторлар катнашында 17 агрофирма һәм 70 крестьян (фермер) хуҗалыгы эшли.
Кызыклы яңалыкларны күзәтеп бару өчен Телеграм-каналга язылыгыз