Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда бозаулар күп үлгән районнар билгеле
Аеруча Минзәлә, Әлки, Лениногорск, Кама Тамагы, Яшел Үзән, Алексеевск, Мамадыш, Кайбыч районнарында яшь терлек күбрәк үлгән.
(Казан, 22 гыйнвар, «Татар-информ», Гөлнар Гарифуллина). Татарстанда Министрлар Кабинетының Баш ветеринария идарәсе коллегиясе утырышында бозаулар күп үлгән районнарны атадылар.
«Аеруча Минзәлә, Әлки, Лениногорск, Кама Тамагы, Яшел Үзән, Алексеевск, Мамадыш, Кайбыч районнарында яшь терлек күбрәк үлгән. Анда үлгән бозаулар яңа туган терлек саныннан 8 проценттан 18 процентка кадәр дәрәҗәсендә», — диде ведомство башлыгы Алмаз Хисаметдинов.
«Дәвалау-профилактик эшен оештыруның төп күрсәткече — баш санын саклап калу. Узган елда терлек үлеме туу күрсәткеченә 5,8 процент нисбәтендә. Анализдан күренгәнчә, үлгән малларның 80 проценттан артык өлеше алты айга кадәр бозаулар», — диде идарә җитәкчесе.
Күпчелек очракта терлек сулыш һәм ашкайнату органнары авыруы сәбәпле үлә. Бу чирләр, кагыйдә буларак, яшәү һәм ашату технологияләре үтәлеше белән бәйле.
Кызыклы яңалыкларны күзәтеп бару өчен Телеграм-каналга язылыгыз