Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанның Буа районында 3,5 мең тоннадан артык шикәр җитештерелгән
Муниципалитетта шикәр чөгендере мәйданнарының 26 проценты җыелган.
(Казан, 21 сентябрь,«Татар-информ»). Буа шикәр заводы 3,5 мең тоннадан артык шикәр җитештергән. Чималның шикәрлелеге 16,5 процент тәшкил итә. Бу хакта Татарстан Республикасы Авыл хуҗалыгы һәм азык-төлек министрлыгы матбугат хезмәте хәбәр итә.
Буа заводы шикәр чөгендерен кабул итүгә 12 сентябрьдә кереште. Барлыгы 55 мең тоннадан артык татлы тамыр кайтарылды, шуның 25 мең тоннадан артыгы эшкәртелгән.
Буа шикәр заводы директоры Валерий Погребный сүзләренә караганда, предприятие тәүлегенә йөк белән 300дән артык машина яки 6 мең тоннага якын уңыш кабул итә.
«Кабул итү иртәнге 6дан кичке 10га кадәр бара. Шикәр чөгендерен ике күрсәткеч — шикәрлелек һәм пычрану буенча кабул итәбез. Шикәрлелек югарырак һәм чөгендернең пычрануы азрак булган саен, чөгендернең сыйфаты да югарырак», — дип билгеләп үтте ул.
Республиканың Буа районында аграрийлар 7 мең гектардан артык мәйданда шикәр чөгендере үстергәннәр, бүгенге көнгә уңыш 26 процент мәйданнан җыеп алынган. Уңыш гектарыннан уртача 307 центнер тәшкил итә.
Кызыклы яңалыкларны күзәтеп бару өчен Телеграм-каналга язылыгыз