ТРда үткән тәүлектә 3292,4 т сөт савып алынган

Һәр сыердан 19,6 кг сөт савып алган Әтнә районы терлекчеләре барысын да узып китте

(Казан, 21 июнь, «Татар-информ», Ирина Игнатьева). ТРда үткән тәүлектә 3292,4 т сөт савып алынган, бу - үткән ел дәрәҗәсеннән 199,4 т кимрәк. Һәр сыердан 19,6 кг сөт савып алган Әтнә районы терлекчеләре барысын да узып киткән. Бу хакта “Татар-информ” МА хәбәрчесенә министрлыкта хәбәр иттеләр.

Яңа таләпләрне исәпкә алып, икенче урында – һәр сыердан 18,6 кг сөт савып алган Балтач районы терлекчеләре, өченче урында – Саба районы (18,3 кг), дүртенче – Кайбыч (18,9 кг), бишенче – Актаныш (16,9 кг).

Сөт савып алуда ТРның Чирмешән, Спас, Мөслим, Әлки районнары терлекчеләре артта калыша.