Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда шикәр чөгендере мәйданнары 25 процентка кими
Бу мәйданнарга бөртекле культуралар чәчеләчәк.
(Казан, 21 апрель, «Татар-информ», Гөлнар Гарифуллина). Татарстанда шикәр чөгендере мәйданнары 25 процентка кими. Бу хакта ТР Министрлар Кабинетында онлайн-брифингта Татарстан Премьер-министры урынбасары — авыл хуҗалыгы һәм азык-төлек министры Марат Җәббаров хәбәр итте.
Ул шикәр чөгендере мәйданнары 25 процентка, ун мең гектар тирәсе мәйданда кимиячәген әйтте. Бу мәйданнарга бөртекле культуралар чәчеләчәк.
«Нурлат шикәр заводы ябылды, Нурлат заводына „Агроинвест“, „Татагролизинг“ компанияләре шикәр чөгендерен тапшыра иделәр. Завод ябылгач, бу якларда шикәр чөгендере бетәчәк. Ике ел тирәсе шикәрнең бәясе бик нык кимеде. Россия Авыл хуҗалыгы министрлыгыннан да шикәр чөгендере мәйданнарын киметергә дигән күрсәтмәләр булды», — диде Марат Җәббаров.
Министр әйтүенчә, Зәй, Буа районнары шикәр заводларының хуҗалык предприятиеләре шикәр чөгендере мәйданнарын киметмәгән диярлек. Шикәр комы запаслары җитәрлек», — диде ул.
Кызыклы яңалыкларны күзәтеп бару өчен Телеграм-каналга язылыгыз