Татарстанда 2 млн тонна чамасы ашлык суктырылган

Бөртекле һәм кузаклы культуралар биләгән мәйданның 873,4 мең гектарыннан уңыш җыеп алынган: бу фаразланган күрсәткечләренең 56 процентын тәшкил итә.

  (Казан, 19 август, «Татар-информ», Ирина Игнатьева). Татарстанда 1 млн 951,2 мең тонна ашлык суктырылган. Бөртекле һәм кузаклы культуралар биләгән мәйданның 873,4 мең гектарыннан уңыш җыеп алынган:  бу фаразланган күрсәткечләренең 56 процентын тәшкил итә.

ТР Авыл хуҗалыгы һәм азык-төлек министрлыгы шул хакта хәбәр итә

Республика буенча уртача уңыш - гектарыннан 22,3 центнер.

Бөртекле һәм кузаклы культураларны суктыру буенча 116,6 мең тонна ашлык җыеп алган Буа районы аграрийлары алда бара. Шулай ук Азнакай (80,8 мең т), Нурлат (77,3), Актаныш (71,9), Сарман (70), Чистай (68,2) һ.б. районнарының да күрсәткечләре яхшы.