Бөгелмә районының Иске Исаково буасына биш тонна балык җибәрелде
Карп балыгы күп ашый һәм тиз үсә.
(Бөгелмә, 19 июнь,"Татар-информ», «Бөгелмә авазы»). Бөгелмә фермеры ярдәме белән меңләгән карп яңа яшәү урыны тапты. Иске Исаково буасында балыклар санының артуы киләчәктә бөгелмәлеләр җирле җитештерүчедән яңа тоткан балыкка исәп тота ала дигән сүз. Бу турыда Бөгелмә муниципаль районы матбугат хезмәтенә сылтама белән район газетасы хәбәр итә.
Җирле авыл хуҗалыгы ярминкәләрендә сатып алуны өстен күрүчеләргә Эдуард Әхмәтсафин крестьян-фермер хуҗалыгында үстерелгән балык яхшы таныш. Татарстан Авыл хуҗалыгы һәм азык-төлек министрлыгында да товарлыклы балык үрчетүче эшкуарның инициативасын хупладылар.
Иске Исаково авылындагы буа хәзер меңләгән карп өчен — туган йорт. Бөгелмә эшмәкәре Эдуард Әхмәтсафин сулыкка биш тонна балык җибәрде. Ул кыйммәтле продукт кына түгел, ә спорт белән кызыксыну чыганагы да, чөнки балык тоту — күпләр өчен яраткан ял төре. Карп — тәмле итенә ихтыяҗ зур булган төче су балыгы. Бу балык күп ашый, әмма тиз үсә.
Балыкны Иске Исаково буасына, юлда тончыкмасын яки артык интекмәсен өчен, барлык кирәкле шартларны үтәп, махсус автомобильдә Бисеровское балык комбинатыннан алып кайтканнар. Автомобиль цистернасыннан ук алар махсус әзерләнгән «юл-җайланмадан» балык суга эләгә. Шартлар уңай булганда, көзгә инде балыклы булырга өмет бар.