«Сарман» агрофирмасы хезмәтчәннәре шикәр чөгендере чәчүгә керештеләр

(Сарман, 17 апрель, «Татар-информ», «Сарман», Зөлфия Шәрипова). «Сарман» агрофирмасы хезмәтчәннәре районда беренчеләрдән булып шикәр чөгендере чәчәргә кереште. Бу турыда район басмасы хәбәр итә.

Бүгенге көнгә чәчү 4 гектарда үткәрелгән. Басуга иң элек гектарына 2 центнер исәбеннән ашлама кертелеп бара, аның артыннан җиргә чәчү алды әзерлеге үткәрелә, алар артыннан чәчү агрегатлары кузгала.

«Эш өчен барлык мөмкинлекләр бар, бары тик һава торышының уңай булуы гына кирәк», — ди «Сарман» агрофирмасы агрономы Рамил Шакирҗанов.