Буа районының Аксу авылында кишер чәчәргә чыктылар

Бу авылда кишерне үзенчәлекле итеп утырталар — авыз белән өрәләр.

(Буа, 15 апрель, «Татар-информ», «Байрак»). Шушы көннәрдә һава торышы яхшы булгач, Буа районының Аксу авылында кишер чәчәргә чыктылар.

Быел соңардылар. Гадәттә апрель башында ук бакчага чыгалар иде. Җир өлгергән, яхшы, диләр.

Бу авылда кишерне үзенчәлекле итеп утырталар — авыз белән өрәләр. Болай эшләгәндә орлык җиргә тигез төшә, оста өрүчедән соң бик сирәкләргә дә туры килми.