Баулы фермеры Германиядә стажировка узган
Баулы бүлекчәсе активисты Артак Микаелян Бавариядә мастер-классларда катнашкан.
Скопировать ссылку
(Баулы, 14 декабрь, «Татар-информ», «Баулы-информ»). Баулы фермеры Германиядә стажировка узган. Республика аграр яшьләр берләшмәсенең Баулы бүлекчәсе активисты Артак Микаелян Бавариядә мастер-классларда катнашкан. Бу турыда район басмасы хәбәр итә.
Артак агросәнәгать комплексы хезмәткәрләре арасында «Һөнәре буенча иң яхшы» республика конкурсында җиңгән бер төркем яшь фермерлар белән чит илгә стажировкага барган.
Аграр яшьләр берләшмәсе Германия белән инде берничә ел хезмәттәшлек итә. Программа бик бай: стажировкага баручылар немец фермерлары оештырган үзенчәлекле мастер-классларда катнаша, тарихи урыннарда була, тәҗрибә ала.