Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Арча районының Курса Почмак авылында тавык кыр үрдәге бәбкәләре чыгарган
Тавык кыр үрдәкләрен үстерә.
(Арча, 14 август, «Татар-информ», «Арча хәбәрләре», Ильяс Фәттахов). Арча районының Курса Почмак авылында тавык кыр үрдәге йомыркасында утырып, тугыз бәбкә чыгарган. Бу турыда район басмасы хәбәр итә.
Авылда бензин чалгысы белән үлән чапканда чалгы астыннан бер үрдәк чыгып оча, ярый әле чалгы койрыгын гына кыркып кала. Әмма курыккан ана үрдәк ояга башка кайтмый. Ә ояда 9 йомырка кала. Алар суынып яралгылар харап булмасын өчен йомыркаларны утырган тавыкка куялар. Аңа озак утырырга да туры килми, ун көннән тугыз йомыркадан тугыз бәбкә борынлап чыга.
Тик менә бәбкәләргә су кирәк, ә тавык йөзә белми. Авыл кешеләре мәсьәләне тиз хәл итә, күл буенда кошлар гаиләсенә йорт салына, дошманнар һөҗүм итмәсен дип сетка белән әйләндереп алына. Үрдәк бәбкәләренең күлнең ачык өлешенә чыгу юлы да бар. Алар нәни чакта әниләренең канат асларына кереп йоклый. Суда коенып, чумып рәхәтләнә болар, ә тавык яр буеннан күзәтә. Төнлә бергәләп ояда куналар.
Кызыклы яңалыкларны күзәтеп бару өчен Телеграм-каналга язылыгыз