Түбән Камада кышка керергә әзерләнәләр

Кар җыю техникалары инде бүгеннән үк эшкә керешә ала

(Казан, 13 октябрь, “Татар-информ”, Роза Исмәгыйлова). Түбән Камадагы кар җыю техникаларын махсус комиссия әгъзалары тикшерде, дип хәбәр итә Түбән Кама телерадиокомпаниясе.
Тикшерү барышында зур кисәтүләр ясалмады. Ачыкланган вак төгәлсезлекләрне бетерү өчен коммуналь хуҗалык хезмәткәрләренә өстәмә вакыт бирделәр.
Быелгы кыш чорында Түбән Кама юлларын барлыгы 77 берәмлек махсус техника кардан арындырачак. Бу күрсәткеч, узган ел белән чагыштырганда, ике данәгә артыграк.