Миңнехановка кырларны кеше катнашыннан башка эшкәртә торган җайланма тәкъдим иттеләр

ТР Президенты «Казансельмаш» ҖЧҖ коллективы белән очрашты.

(Казан, 13 август, «Татар-информ», Алексей Угаров). Татарстан Президенты Рөстәм Миңнехановк Биектау районына сәфәре барышында туфракка ашлама кертә торган яңа җайланмаларны карады. Яңа техниканы куллану аграрийларга кырларны эшкәртүнең сыйфатын яхшыртырга – җитештерүчәнлекне арттырырга һәм кыйммәтле препаратларны янга калдырырга мөмкинлек биргән. Бу хакта ТР Президентының матбугат хезмәте хәбәр итә.

Рөстәм Миңнеханов «Казансельмаш» ҖЧҖ хезмәткәрләре белән аралашканда җитештерүнең ничек үсеш кичерүен үз күзләре белән күрү өчен республиканың сәнәгать һәм авыл хуҗалыгы предприятиеләрендә даими булуын билгеләп үтте.

ТР Президенты коллективка профессиональлеге һәм эшенә тугрылыгы өчен рәхмәт белдерде. «Эшче һөнәрләренә, үз эшенең осталарына ихтыяҗ һәрвакыт булачак. Кешеләргә яхшы хезмәт хакы түләргә дә, аларны социаль гарантияләр белән дә тәэмин итәргә кирәк», - дип искәртте Рөстәм Миңнеханов.

Татарстан Президенты шулай ук узган гасырның туксанынчы елларында Биектау районын җитәкләве һәм хезмәт коллективлары белән дә, муниципалитетның потенциалы белән дә яхшы таныш булуы хакында сөйләде.