Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Апаста элек ябылган сөт комбинаты эшли башлый
Сөт комбинатында эремчек суы һәм сырлар җитештерәчәкләр.
(Казан, 12 февраль, «Татар-информ»). Бүген Татарстан Премьер-министры урынбасары — Татарстан Авыл хуҗалыгы һәм азык-төлек министры Марат Җәббаров эш сәфәре белән Апас районында булды, анда ул «Ува-Молоко» ҖЧҖ сөт эшкәртү заводын карады. Элеккеге сөт комбинатын Удмуртия Республикасыннан «Ува-Молоко» ҖЧҖ инвесторы сатып алган, хәзер биредә ябык Апас сөт комбинатын торгызу эшләре бара.
Министрга бинаны ремонтлау 2020 елның гыйнварында башлануы һәм сентябрьдә үк җайланмалар урнаштыра башлаулары турында сөйләделәр. Бу турыда Татарстан Авыл хуҗалыгы һәм азык-төлек министрлыгы матбугат хезмәте хәбәр итә.
Агымдагы елда сөт җыя башлау, әлеге объектның җитештерү өлешен дә эшләтеп җибәрү планлаштырыла. Эшкәртү куәте тәүлеккә 450 тоннага кадәр булачак. «Апас сөт комбинаты» проекты тәүлеккә 40 тоннага кадәр ярымкаты сырлар һәм 23 тоннага кадәр эремчек җитештерүне күздә тота. Бу — елга 12,6 мең тонна әзер продукция. Биредә 80 эш урыны булдырылачак. «Ува-молоко» ҖЧҖ инвесторы шулай ук 2022 елда 500 башка исәпләнгән үз сөт-товар комплексын төзи башлауны планлаштыра.
«Киләчәккә планда — «Ибраһимов һәм К» АХП» ҖЧҖендә мөгезле эре терлекләр өчен 400әр башка исәпләнгән 2 комплекс төзү һәм инвесторларга тапшыру, шулай ук буш тора торган терлекчелек фермаларын реконструкцияләү. Бүгенге көндә инвесторлар тарафыннан Сатмыш һәм Әҗем авылларында авыл хуҗалыгы объектлары сатып алынды һәм ремонт эшләре планлаштырыла», — дип хәбәр итте Апас районы башлыгы Равил Хисаметдинов.
Чара дәүләт һәм ведомство бүләкләрен тапшыру белән тәмамланды.
Кызыклы яңалыкларны күзәтеп бару өчен Телеграм-каналга язылыгыз