ТР Тукай районы фермерлары техниканы язгы кыр эшләренә тулысынча әзерләгән

(Казан, 11 гыйнвар, «Татар-информ», Ирина Игнатьева). ТР Тукай районы фермерлары техниканы язгы кыр эшләренә тулысынча әзерләгән. Авыл хуҗалыгы машиналарына запас частьлар алу өчен кредит алырга туры килгән. Бу хакта “Татар-информ” агентлыгы хәбәрчесенә Тукай районы Фермерлар һәм крестян хуҗалыклары ассоциациясе башлыгы Миңталип Миңнеханов белдерде.
Бүгенге кәндә кыш уртасы булуга карамастан, техника тулысынча эшкә яраклы. Фермерлар язга әзерләнүне дәвам итә. Быел ягулык-майлау материаллары белән һәрвакыттагыча дәүләт ярдәм итәчәк. Әмма авыл эшмәкәрләре минерал ашламаларның бер өлешен кредитка сатып ала, чөнки бу тауар язга кыйбатланырга мөмкин.
Ягулык-майлау материалларының бәясе бүген үк куркуга сала. Бер литр солярка бәясе 25 сум, узган ел шул ук вакытта аны 15-18 сумга сатып алырга мөмкин иде. Шулай итеп, язгы чәчү эшләре зур чыгымнар сораячак, дип саный фермерлар.