Чирмешән районында тагын 11 мең гектарда җир сөрәсе калды

(Казан, 10 октябрь, «Татар-информ», «Безнең Чирмешән», Кадыйр Гомәров). Чирмешән районының авыл хуҗалыгы предприятиеләрендә барысы 37 мең 634 гектар җир эшкәртелгән, ягъни планлаганның 77 проценты кадәр. Бу турыда район басмасы хәбәр итте.

Бу агротехник чараны «ЧИРМЕШӘНАГРО», «Сөлчә», «Күтәмә АГРОфирмасы», «Ильхан» җәмгыятьләрендә озакка сузмадылар. «БИО АГРО» да берничә көнлек эш калды, диелә хәбәрдә.

Районда 1200 гектар чамасы мәйданда көнбагыш уңышын суктырасы калган. Нигездә, Иске Котыштагы «Тепсуркаев В.Ә.» җәмгыятендә, дип яза район басмасы.