Үткән тәүлектә тулаем сөт күләме 3568,4 тонна тәшкил иткән

Бу узган елның шул чоры белән чагыштырганда, 111,3 тоннага күбрәк

 (Казан, 8 июль, «Татар-информ», Ирина Игнатьева). Үткән тәүлектә Татарстанда тулаем сөт күләме 3568,4 тонна тәшкил иткән. Бу узган елның шул чоры белән чагыштырганда, 111,3 тоннага күбрәк. Һәр сыердан уртача 15,2 кг сөт савып алынган, дип хәбәр итәләр ТР Авыл хуҗалыгы һәм азык-төлек министрлыгында.
Агымдагы ай башы белән чагыштырганда, продукция күләме 26,9 тоннага кимегән. Кичәге көнгә караганда, продуктлык 5 тоннага төшкән.
Әтнә, Саба, Балтач, Мамадыш, Буа, Кукмара,Актаныш, Биектау һәм республиканың кайбер башка районнарында тотрыклы нәтиҗәләр саклана.