news_header_top
Руc Тат
16+
news_header_bot
news_top
Авыл 8 апрель 2015 07:24

Күбрәк үрчем алган саен, акчасы да күбрәк

Субсидия алу өчен 100 баш сыерга I кварталда 32 бозау алу шарт

Скопировать ссылку

 (Казан, 8 апрель, “Татар-информ”). Зәй районында авыл хуҗалыгы тармагын тагын да үстерү, эшнең нәтиҗәлелеген күтәрү, кызыксындыру максатында, төрле чаралар кулланыла. Шул уңайдан 6 апрельдән башкарма комитет җитәкчесенең “Районда авыл хуҗалыгы товарлары җитештерүчеләргә бозау үрчеме алган өчен чыгымнарны субсидияләү тәртибен кертү турында”гы 813нче карары гамәлгә керде. Быел, шәхси хуҗалыклардан кала, милек формасына бәйсез рәвештә, мөгезле эре терлек асрау белән шөгыльләнеп, бозау үрчеме алучыларга (бер башка 50 сум) чыгымнарны субсидияләү кертелә. Субсидия алу өчен 100 баш сыерга I кварталда –32, II –27, III – 17, IV кварталда 24 бозау үстерү шарт. Чыгымнар район бюджетыннан финанслана, дип хәбәр итә “Зәй офыклары” басмасы.

news_right_1
news_right_2
news_bot