Әгерҗе басуларында бәрәңге уңышы гектарыннан 218 центнер чыга

Районда бәрәңге алырга керештеләр.
(Казан, 6 сентябрь, "Татар-информ", "Әгерҗе хәбәрләре", Миләүшә Ягъфәрова). Әгерҗе районы “Уразай“ бүлекчәсендә бәрәңге алу башланды. 39 гектардан бәрәңге уңышы җыелган. Уңдырышлылык – бер гектардан 218 центнер тәшкил итә. Бу хакта район басмасы яза.  Район кырларында 19400 гектарда (планга карата – 77 процент) урып-җыю эшләре башкарылган. Барлыгы 29100 тонна бөртеклеләр суктырылган. Комбайннар I, II, III филиаллар арпа, арыш басуларында эшлиләр. Басуларда көзге чәчү эше дә алып барыла. 7200 гектарда – арыш, 100 гектарда бодай чәчелгән. Үтәлеш – 75 процент.