Азнакай фермерлары Татарстан авыл хуҗалыгы һәм азык төлек министрлыгы грантын отты

Конкурста барлыгы 25 фермер җиңеп чыккан.

(Азнакай, 6 июнь, «Татар-информ», «Маяк», Резеда Шәрипова). Азнакай муниципаль районыннан Ландыш Закирова һәм Илзирә Габидуллина крестьян-фермер хуҗалыклары базасында гаилә фермаларын үстерүгә грант отты. Бу турыда район басмасы хәбәр итә.

Татарстан авыл хуҗалыгы һәм азык төлек министрлыгы 2020 елда крестьян-фермер хуҗалыклары базасында гаилә фермалары төзү буенча проектларга йомгак ясап, җиңүчеләрне билгеләде.

Конкурста республиканың 17 муниципаль районыннан 50 крестьян-фермер хуҗалыгы катнашкан һәм 25 фермер җиңеп чыккан.