Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Апаста яшәүчеләр беренче көзге ярминкәгә җыелды
Район башкарма комитеты җитәкчесе Алмаз Тугушев җитәкчелегендәге комиссия ярминкә барышы белән танышып, югары бәя бирде.
(Апас, 5 сентябрь, «Татар-информ», «Апастово-информ», Гүзәл Хилавиева). Апас районында ярминкә узды. Анда барлык крестьян-фермер хуҗалыклары, авыл җирлеге, мәктәп коллективы җәй буе үстерелгән мул уңышны халыкка тәкъдим итте. Бу турыда район басмасы хәбәр итә.
Сатуда печән, салам, бөртеклеләр, кош-кортлар, бозаулар, җиләк-җимеш, яшелчәләр, кул эшләре, камыр ризыклары — барысы да бар иде.
Район башкарма комитеты җитәкчесе Алмаз Тугушев җитәкчелегендәге комиссия ярминкә барышы белән танышып, югары бәя бирде.
«Хөрмәтле якташларым! Бүгенге көннән башлап көзге ярминкәләрне башлап җибәрәбез. Ярминкәдә катнашучыларның һәрберсенә олы рәхмәтемне җиткерәм. Ярминкәләрне халык тәкъдимен искә алып киләчәктә дә оештырачакбыз. Шушы урында булачак. Рәхәтләнеп ял да итегез!», — диде Алмаз Тугушев райондашларны сәламләп.
Районыбызның мәдәният хезмәткәрләре ярминкәгә килүчеләрне җыр-моңнары, дәртле биюләре белән ял иттерде.
«Көзге ярминкәгә бик теләп чыктык. Арпа белән бодай кирәк иде. Бик матур концерт та карадык. Чын бәйрәм рухы бүген Апаста», — диде Шәрифулла абый Сәлахов.
Кызыклы яңалыкларны күзәтеп бару өчен Телеграм-каналга язылыгыз