Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда он һәм икмәк пешерү предприятиеләре субсидия алу өчен гариза бирә ала
Татарстан азык-төлек бодаен сатып алуга чыгым өлешен компенсацияләүгә — 65,9 млн сум, ә икмәк пешерү предприятиеләренә 48,3 млн сум акча алачак.
(Казан, 5 март, «Татар-информ»). Татарстан Республикасы Авыл хуҗалыгы һәм азык-төлек министрлыгы он җитештерүчеләрдән азык-төлек бодае сатып алуга чыгымнар өлешен каплауга һәм икмәк пешерү сәнәгате предприятиеләреннән җитештерелгән һәм сатылган икмәк һәм икмәк-күмәч әйберләренә киткән чыгымнар өлешен каплауга субсидия бирү өчен гаризалар сайлап алуны игълан итә.
Министрлыкның матбугат хезмәте хәбәр иткәнчә, Татарстан он җитештерүчеләргә азык-төлек бодаен сатып алуга чыгымнар өлешен компенсацияләүгә — 65,9 млн сум, ә икмәк пешерү предприятиеләренә 48,3 млн сум акча алачак.
Гаризалар 2021 елның 1 мартыннан 30 мартына кадәр кабул ителә. Кабул итү урыны: Казан шәһәре, Федосеев ур., 36 йорт, 402 бүлмә. Субсидия алырга теләгән предприятие үз продукциясенә күпләп сату бәяләрен арттырмаска тиеш.
Төп таләпләр:
- салымнар буенча бурычлар булмау;
- предприятие банкротлык яки бетерелү стадиясендә булмаска тиеш;
- чит ил юридик заты булмаска тиеш һ. б.
Субсидияләр бирү шартлары һәм кирәкле документлар белән тулырак сылтама буенча танышырга мөмкин.
Сайлап алуны узган предприятиеләр белән субсидия бирү турындагы килешү электрон документ рәвешендә төзеләчәк. Өстәмә мәгълүматны Татарстан Республикасы Авыл хуҗалыгы һәм азык-төлек министрлыгының кайнар элемтә телефоны аша алырга мөмкин: 8-800-444-16-70, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз