Татарстанда территорияләрне саранча барлыгына тикшерү дәвам итә

 (Казан, 3 июль, «Татар-информ», Ирина Игнатьева). Татарстанда территорияләрне саранча барлыгына тикшерү дәвам итә. Бу хакта “Татар-информ” МА хәбәрчесенә “Россия авыл хуҗалыгы үзәге” оешмасының ТРдагы филиалы җитәкчесе Таһир Һадиев хәбәр итте.

Исегезгә төшерик, бүгенгә республикада 20 районның 50 мең гектарында саранчалар табылган. ТРның һәр районында әлеге корткычларга каршы тору буенча мобиль төркемнәр блдырылган.

Т.Һадиев фикеренчә, бүгенгә әлеге бөҗәкләр зур куркыныч тудырмый, ләкин эссе һава торышы үзен тагын да күрсәтсә, саранчалар активлашачак. Яңгырлы салкынча һава торышы аларның таралуын туктата ала.

Т.Һадиев сүзләренчә, корткычлар киләсе елда да авыл хуҗалыгына зур зыян сала ала, барысы да һава торышыннан торачак.