news_header_top
Руc Тат
16+
news_header_bot
news_top
Авыл 3 май 2017 21:49

Татарстанда язгы чәчү 237,2 мең гектар мәйданда башкарылган

Иң күп мәйдан Зәй муниципаль районында (26,5 мең га, яисә планнан 57%) чәчелгән.

Скопировать ссылку

(Казан, 3 май, "Татар-информ"). 2017 елның 3 маена тулаем республика буенча сабан культуралары 237,2 мең га мәйданда чәчелгән, бу планлаштырылган мәйданнан 13% тәшкил итә, дип хәбәр итә Татарстан Авыл хуҗалыгы һәм азык-төлек министрлыгы матбугат хезмәте.

Иң күп мәйдан Зәй муниципаль районында (26,5 мең га, яисә планнан 57%) чәчелгән, аннан кала Сарман районында (22,7 мең га, 44%), Буа районында (12,1 мең га, 20%), Актаныш районында (11,7 мең. га, 21%), Тәтеш районында (11,4 мең га, 26%) һәм Мамадыш районында (11,1 мең га, 20%).

Бөртекле сабан культуралары тулаем республика буенча 178,3 мең га, ягъни планнан 17% мәйданда чәчелгән. Шул исәптән сабан бодае – 18,8 мең га (5%)мәйданда, арпа – 124,4 мең га (33%), солы – 19,3 мең га (31%), борчак – 10,7 мең га (16%), бөртек кукурузы – 2,1 мең га (2%) мәйданда.

Шикәр чөгендере 22,5 мең га, ягъни планнан 30% мәйданда чәчелгән, рапс – 1,8 мең га (2%), май орлыгы өчен көнбагыш – 13,4 мең га (9%) мәйданда. 

news_right_1
news_right_2
news_bot