Татарстанда язгы чәчү эшләре алдыннан соңгы әзерлек чаралары уздырыла

Авыл хуҗалыгы техникасы әзерлеге, орлыклар, минераль ашлама һ.б. җитәрлек булуы тикшерелә

  (Казан, 3 апрель, «Татар-информ»). 6-10 апрельдә Татарстан районнарында агросәнәгать комплекслары арасында язгы кыр эшләренә әзерлек буенча конкурс уза, дип хәбәр итә ТР Авыл уҗалыгы һәм азык-төлек министрлыгы матбугат хезмәте.

Һәр районда махсус комиссия техниканың язгы кыр эшләренә әзерлек дәрәҗәсен тикшерә, хезмәтне саклау таләпләренә, авыл хкуҗалыгы машиналарын агрегатлаштыру сыйфатына һ.б. мөһим мәсьәләләргә игътибар бирә.