ТР фермерлары авыл хуҗалыгы продукциясен эшкәртүдә яңа ысуллар әзерли

Алар ярдәм сорап, А.Е.Арбузов исемендәге Органик һәм физик химия институты галимнәренә мөрәҗәгать иткәннәр

(Казан, 3 гыйнвар, «Татар-информ», Ирина Игнатьева). ТР фермерлары авыл хуҗалыгы продукциясен эшкәртүдә яңа ысуллар әзерли.
Алар ярдәм сорап, РФА Казан фәнни үзәгенең А.Е.Арбузов исемендәге Органик һәм физик химия институты галимнәренә мөрәҗәгать иткәннәр. Бу хакта ТР Фермерлары һәм крестьян хуҗалыклары ассоциациясе рәисе Камияр Байтимеров хәбәр итте.
К.Байтимеров фикеренчә, Татарстанда, Идел буе федераль округында әлеге технологиянең тиңдәше булмаячак.
Моннан тыш, институт галимнәре тиресне утильләштерү буенча киңәшләр әзерли. Хәзерге вакытта авыл хуҗалыгында бик күп тирес тупланган, ул әйләнә-тирә мохитне пычрата һәм зыян сала.
Россия төбәкләрендә тиресны эшкәртү белән шөгыльләнәләр инде. Аннан метан һәм электр энергиясе эшкәртеп чыгаралар.
Институт галимнәре ТР фермерларына тиресны утильләштерү буенча заманча технологияләр тәкъдим итәләр, дип белдерә К.Байтимеров.