Аксубайда Өлкәннәр ункөнлеге уңаеннан авыл хуҗалыгы ярминкәсе була

(Аксубай, 2 октябрь, «Татар-информ», «Авыл таңнары»). 2 октябрьдә Аксубайда Өлкәннәр ункөнлеге уңаеннан авыл хуҗалыгы ярминкәсе узачак.

Ярминкәдә авыл хуҗалыгы продукциясен район мәктәпләре тәкъдим итәчәк. Биредә кишер, суган, чөгендер, кабак, алма, кәбестә, бәрәңге сатып алырга мөмкин булачак.

Ярминкәдә район күмәк фермер хуҗалыклары һәм агрофирмалары катнашачак. Алар бөртек, фураж, кош-корт белән сәүдә итәчәк.