Әгерҗе районының Иж-Бубый үзешчәннәре «Әниләр һәм бәбиләр» спектаклен Иж-Бәйки клубында куйды. Бу хакта «Әгерҗе хәбәрләре» сайтында хәбәр ителә.
«Туфан Миңнуллинның данлыклы «Әниләр һәм бәбиләр» драмасын бик күп танылган театр артистлары башкаруында тамаша кылганабыз бар. Ә бу юлы аеруча яратып карадык. Чөнки рольләрне үзебезнең «Илһам» театр түгәрәгенә йөрүче үзешчән артистлар уйнадылар. Сүз уңаеннан, быел аның оешуына 20 ел тула икән инде. Алар үзләренә тапшырылган рольләрне дә «бишлелек» итеп әзерли алган», диелә хәбәрдә.