Әгерҗедә Ләбиб Айтугановны искә алдылар
Скопировать ссылку
23 ноябрьдә Әгерҗе район мәдәният сараенда Нарат авылында туып-үскән татар музыка эшлеклесе, танылган җырлар авторы, шагыйрь, радиожурналист, оста җырчы, композитор Ләбиб Айтугановны искә алу кичәсе узды. Бу хакта «Әгерҗе хәбәрләре» яза.
Аның кызы Миләүшә ханым, Казаннан җырчылар алып килеп, әтисен искә алу кичәсен тирән мәгънәле итеп уздыруга зур өлеш кертте. Кичәдә район башлыгы Ленар Нургаянов, Миләүшә ханым үзе, Ләбиб Айтугановның якташлары – аның исемен йөртүче Девятерня мәктәбе коллективы һәм укучылар чыгыш ясады.
Чара барышында Ләбиб Айтуганов турында истәлекләр яңгырады, башкалабызның танылган артистлары аның җырларын башкардылар, диелә хәбәрдә.