Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әгерҗедә авыл хуҗалыгы министры урынбасары мегафермада эш шартлары белән танышты
Татарстан авыл хуҗалыгы һәм азык-төлек министры урынбасары Ленар Гарипов Әгерҗе районыныда «Нәүрүз» ширкәтенең сөтчелек мегафермасындагы эш шартлары белән танышты.
Мегафермада 1720 савым сыеры бар. Шуның 700е – узган ел республика программасы буенча чит илдән кайтартылган голштин токымлы терлекләр. Бүгенге көндә биредә 41,2 тонна сөт савыла. Бер сыер уртача 22 килограмм сөт бирә. Узган елның шушы чоры белән чагыштырганда, бу 4,8 килограмга күбрәк. Министр урынбасары моның яхшы күрсәткеч булуын билгеләп үтте.
Әмма мегафермада эшче кулларга кытлык булу иң зур проблемаларның берсе булуын әйттеләр. Бигрәк тә сыер савучылар җитми икән.
«Эшчеләр җитми икән, кул хезмәтен җиңеләйтеп, эшне автоматлаштырырга тырышыгыз. Хәзер моның өчен мөмкинлекләр бар», – диде Казан кунагы. Ленар Гарипов ачык һавада тәрбияләнүче 3 айга кадәр бозаулар өчен булдырылган шартлар белән танышты, терлекчеләр белән аралашты.
«Бозаулар көр күренәләр. Тәрбия яхшы икәнлеге сизелә. Әмма чир эләкмәсен өчен чиләкләрне махсус кушылмалар белән юарга киңәш итәм. Чөнки сәламәт терлек үстерүдә ветеринария-санитария таләпләрен төгәл үтәүнең әһәмияте зур», – диде министр урынбасары.
Бу көнне Казан кунагы мегафермада кышкы чорга корпусларны әзерләү, терлек азыгы хәзерләү барышы белән дә танышты.
«Мегафермада үсеш бар, уңай якка үзгәрешләр күзгә ташлана. Әмма ирешелгәннәр чик түгеллеген истән чыгармагыз. Тагын да югарырак уңышларга ирешү өчен мөмкинлекләр бар сездә», – диде ул сүзен йомгаклап.
Кызыклы яңалыкларны күзәтеп бару өчен Телеграм-каналга язылыгыз