Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әгерҗе районында ВИЧ-инфекция белән авыручылар саны арткан
Әгерҗе районында ВИЧ-инфекция белән авыручылар саны 2002 елдан бирле исәпкә алына. Шушы чорда 163 кеше теркәлгән, шуларның 90ы – ир-ат, 73е – хатын-кыз. Бу хакта СПИД-үзәкнең Чаллыдагы филиалы җитәкчесе Радик Шәйхетдинов сөйләде. Бу хакта «Әгерҗе хәбәрләре» яза.
Бүгенге көндә ВИЧ-инфекция белән 85 кеше исәптә тора. Шуларның 11е (6 ир-ат, 5 хатын-кыз) – быелның ярты елында исәпкә куелучылар.
«Бу, узган елның шул чоры белән чагыштырганда, ике тапкырдан артыкка күбрәк. Әлеге үсеш район халкы арасында скрининг тикшерүләр саны арту һәм диспансерлаштыру барышында тикшерү белән дә бәйле булырга мөмкин. Чөнки быелның алты аенда тикшерү уздырылган халык саны, узган елның шул чоры белән чагыштыранда, 38,2 процентка күбрәк», – диде ул..
Авыруны йоктыру ысулларына килгәндә, 9 очрак җенси юл, 2се наркотиклар куллану нәтиҗәсендә күчкән. Яшь аралыгын карасак, иң күп очраклар 40-49 яшьтәгеләргә, аннан кала 30-39 яшьлекләргә туры килә. Шул ук вакытта 50-59, 60 яшьтән өлкәнрәкләрдә дә ачыклануын билгеләп үтәргә кирәк.
Кызыклы яңалыкларны күзәтеп бару өчен Телеграм-каналга язылыгыз