Әгерҗе районы Яңавылда «Килен токмачы» дигән музыкаль кичә булды
Скопировать ссылку
Әгерҗе районы Яңавылда Милли мәдәният һәм гореф-гадәтләр елы уңаеннан оештырылган «Килен токмачы» дип аталган музыкаль кичә, мәдәнияткә битараф булмаган апайларны, янәдән бергә очраштырды. Бу хакта «Әгерҗе хәбәрләре» хәбәр итә.
«Авылның уңган киленнәре бәйгедә теләп катнашты. Аларга сокланып, көч биреп утырган апайлар «күзләр генә тимәсә ярый инде» дип борчылып та куйды Бәйрәм җыр-бию белән аралашып барды. Мәдәният йорты эчендә киселгән токмачлардан пешкән шулпа ашап, дәртләнеп яңадан очрашырга язсын дип өйләргә таралыштык. Безнең арада булган бердәнбер гармунчы «егетебез»гә барчабыз исеменнән зур рәхмәт», диелгән хәбәрдә.