Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Әгерҗе районы Кырынды авылында вәгазь кичәсе булды
Әгерҗе районы Кырынды авылы мәдәният йортында рухи тәрбиягә багышланган кичә — вәгазь кичәсе узды. Бу кичәне Кырынды мәчете имамы Рафис хәзрәт Сибгатуллин оештырылды. Бу хакта «Әгерҗе хәбәрләре» яза.
Кичәдә Чаллы шәһәренең «Җәмигъ» мәчете имамы, мөхтәрәм Мөхәммәт хәзрәт Мөхәммәтов катнашты. Авыл халкы белән очрашу вакытында хәзрәт күңелләргә үтеп керерлек вәгазь сөйләде, ислам дине нигезләренә таянып, рухи тормыш, гаилә кыйммәтләре, яшьләрне тәрбияләү, намаз уку, ураза тоту һәм гөнаһлардан ерак тору кебек әһәмиятле темаларга тукталды.
Очрашу җылы, ихлас рухта узды. Кичәдә катнашучылар хәзрәткә сорауларын бирде, киңәшләр алды. Вәгазьләрдән соң дин кардәшләр арасында фикер алышу, аралашу мөмкинлеге дә булды.
Әлеге кичә авыл халкы өчен зур рухи азык, күңел тынычлыгы бирә торган очрашу булды. Катнашучылар мондый чараларның даими үткәрелүен теләп таралышты.
Кызыклы яңалыкларны күзәтеп бару өчен Телеграм-каналга язылыгыз