Әгерҗе кызы район тарихында беренче тапкыр химиядән иң югары балл җыйган
Скопировать ссылку
Химиядән бердәм дәүләт имтиханы нәтиҗәләре билгеле. Әгерҗе районы Исәнбай мәктәбенең чыгарылыш сыйныф укучысы Камилә Ганиева әлеге фәннән 100 балл җыйды. Бу хакта «Әгерҗе хәбәрләре» сайтында хәбәр ителә.
Аны дәүләт имтиханына Исәнбай мәктәбенең химия укытучысы Энҗе Флүс кызы Латыйпова әзерләде.
«Камилә Әгерҗе районы тарихында әлеге фәннән иң югары балл җыйган беренче укучы. Котлыйбыз!» – диелгән хәбәрдә.
Әгерҗе районының Бертуган Бубилар исемендәге Иж-Бубый урта мәктәбе укучысы Фомина Вилена исә химиядән 97 балл җыйды. Укытучысы Латыпова Лилия Расил кызы Виленаның ел дәвамында системалы әзерләнүен, омтылышлы, максатчан булуын билгеләп үтте.