Африкада Сабантуй узды: татар мәдәнияте бәйрәмен Каһирәдә билгеләп үттеләр
Скопировать ссылку
Африкада беренче тапкыр Сабантуй уздырылды – бәйрәм чарасы Мисыр башкаласы Каһирәдә узды, дип хәбәр итә Sputnik.
Бәйрәм Рус йортында узды. Чараны Мисыр татарларының «Мирас» ассоциациясе оештырды.
«Килүчеләр оештыручылар әзерләгән татар милли ризыкларын татып карый алды. Бәйрәм вакытында татар музыкасы яңгырады, кунакларны төрле конкурслар һәм ярышлар, шул исәптән капчык киеп йөгерү көтте», – дип хәбәр итәләр «Египетская сила» телеграм-каналында.
Мисырда узган Сабантуйда Татарстаннан ТР атказанган мәдәният хезмәткәре, нәфис сүз остасы Айгөл Нәбиуллина, шулай ук музыкант, мультиинструменталист һәм баянчы Булат Хисмәтов катнашты.