Авыл 20 сентябрь 2016 13:03

Африка чумасы аркасында Липецкида 15 мең чамасы дуңгызны юк итәләр

Бу Липецк өлкәсендә Африкасы чумасы аркасында дуңгызларны массакүләм юк итүнең иң зур очрагы.

Скопировать ссылку

(Казан, 20 сентябрь, «Татар-информ»). Липецк өлкәсендә "Черкизово" төркеме дуңгыз комплексында Африкасы чумасы аркасында 15 меңгә якын терлекне юк итәчәкләр. Бу хакта Липецк өлкәсе Ветеринария идарәсе башлыгы урынбасары Сергей Стукалин сүзләренә сылтама белән "ТАСС" хәбәр итә.

"Липецк өлкәсенең Лев Толстой районында дуңгыз комплексында Африка чумасы колач җәю нәтиҗәсендә карантин игълан ителгән. Анда берничә терлек үлгән, лаборатория тикшерүләре дуңгызларда Африка чумасы вирусы булуын ачыклаган. Кагыйдә буенча бу комплекстагы барлык терлекләр дә ягып юк ителергә тиеш, 14,8 мең баш турында сүз бара", - диде ул.

Бу Липецк өлкәсендә Африкасы чумасы аркасында дуңгызларны массакүләм юк итүнең иң зур очрагы дип билгеләп үткән өлкә Ветеринария идарәсе башлыгы урынбасары.

"Гомумән алганда, быел бу факт буенча 4 мең терлек юкка чыгарылган. Предприятиегә китерелгән зыян исәпләнә, әмма терлекләр иминиятләштерелгән", - дигән ул.

"Черкизово" матбугат хезмәте мәгълүматлары буенча, вирус аз терлектә ачыкланган. "Диагноз Дәүләт ветеринария хезмәтләре тарафыннан расланган. Вирусны вакытында ачыклау һәм аны таратуга чик куймау Африка чумасы йоктырган терлекләрне оператив изоляцияләү мөмкинлеге биргән. Липецк өлкәсендә бу мәйданчыкта ана дуңгызларның 6 проценты булган, анда карантин игълан ителгән. Бу 2016 елда компаниянең җитештерү күләменә йогынты ясамаячак", - диелгән хәбәрдә.

2015 елдан башлап дуңгызларда Африка чумасы Брянск, Владимир, Орел, Курск, Рязань өлкәләрендә теркәлгән. Россиянең берничә төбәгендә тарттырылган иттә дә вирус табылган.

#Африка чумасы #Липецк өлкәсе

Сәхифәләр

Африка чумасы аркасында Липецкида 15 мең чамасы дуңгызны юк итәләр