Әфганстанда әфган татарларының борынгы чигүләре коллекциясен күрсәттеләр
Саманган провинциясенең Руи‑Ду‑Аб өязендә Әфганстан татарларының борынгы кулдан чигү коллекцияләре күргәзмәсе узды. Чараны илнең Фәннәр академиясе ярдәмендә Әфганстан татарлары советы оештырган.
Фото: © Әфганстан татарлары советы
Әфганстан татарлары советы башлыгы Забихулло Надери Татар сөйләвенчә, тамбурлы чигү иң танылган чигү төрләренең берсе булып тора. Ул ике төргә бүленә: тәбәнәк тамбур һәм рельефлы өслек барлыкка китерүче вак атламлы биек тамбур.
Фото: © Әфганстан татарлары советы
Чигү белән гадәттәгечә төрле әйберләр: сөлге, пәрдә, келәмнәр, ашъяулыклар, мендәрләр, түшлек һәм кием-салым бизәлгән. Орнаментларда чәчәкле‑үсемлек мотивлары – лаләләр, җиләкләр, кыңгыраулар, мәк чәчәкләре өстенлек иткән. Шул ук вакытта бизәкнең һәр элементы аерым әһәмияткә ия: ул кояшны, җирне, күкне, уңдырышлылыкны символлаштыра яки явызлыктан саклый ала.
Фото: © Әфганстан татарлары советы
Алымнар һәм бизәкләр буыннан-буынга тапшырыла: татар чигүенең локаль үзенчәлекләре шулай саклана. Шул ук вакытта еш кына башка халыкларның – мәсәлән, хәзәрләрнең традицияләре белән иҗади үрелеш була.