Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Аерылышкан булу эшкә урнашканда тискәре фактор буларак кабул ителергә мөмкин
Гражданнарның гаилә хәле мәсьәләләре эшкә урнашканда, хезмәт хакы түләгәндә һәм карьера баскычыннан күтәрелгәндә фактор булырга мөмкин. Кузбасста Бөтендөнья рус халык соборының V Гомумроссия гаилә форумының пленар утырышында РФ Иҗтимагый палатасы әгъзасы, «Православие хатын-кызлары берлеге» халыкара иҗтимагый оешмасы рәистәше Наталья Дмитриевская шундый тәкъдим белән чыгыш ясады. Бу хакта ТАСС хәбәр итә.
«Өйләнешмичә генә бергә яшәү, аерылышу эшкә кабул иткәндә, хезмәт шартларын, хезмәт хакы күләмен билгеләгәндә, карьера баскычыннан күтәрелгәндә тискәре фактор ролен уйнарга тиеш», - диде Дмитриевская.
«Әлеге чараларны гамәлгә ашыру гаилә институтын ныгытырга, туучылар санын арттырырга һәм гаилә кыйммәтләрен хуплауга юнәлдерелгән корпоратив демографик сәясәт формалаштырырга мөмкинлек бирәчәк», - дип белдерде Дмитриевская.
Ул билгеләп үткәнчә, Россиядә һәр дүртенче бала никахтан тыш тәрбияләнә. Иҗтимагый палата әгъзасы аерылышу алдыннан мәҗбүри консультация кертергә, шулай ук никахны өзү процедурасын максималь катлауландырырга тәкъдим итә.
Кызыклы яңалыкларны күзәтеп бару өчен Телеграм-каналга язылыгыз