«Адымнар» мәктәбе ЮНЕСКО ассоциацияле мәктәпләре челтәренә керергә мөмкин

РФ ЮНЕСКО эшләре буенча комиссиянең җаваплы секретаре Григорий Орджоникидзе „Адымнар“ мәктәбен ЮНЕСКО ассоциацияле мәктәпләре челтәренә кертү өчен документлар әзерләргә кирәклеген әйтте.

Скопировать ссылку

(Казан, 22 сентябрь, «Татар-информ», Гөлнар Гарифуллина). Татарстандагы «Адымнар» күп телле белем бирү комплексы ЮНЕСКО ассоциацияле мәктәпләре челтәренә керергә мөмкин.

Бу хакта Казан Кремлендә узган очрашуда РФ ЮНЕСКО эшләре буенча комиссиянең җаваплы секретаре Григорий Орджоникидзе әйтте.

Ул «Адымнар» мәктәпләрен уникаль проект дип атады. Аны гамәлгә ашыруда катнашучыларга рәхмәтен җиткерде, уңышлар теләде. «Дөрес адымнар, дөрес юнәлеш. „Адымнар“ мәктәбен ЮНЕСКО ассоциацияле мәктәпләре челтәренә кертү өчен документларны әзерләргә кирәк. Без бу процессны тизәйтүдә теләктәшлек күрсәтәчәкбез», — дип белдерде.

Республика тарих һәм мәдәният һәйкәлләрен торгызу фонды директоры, ТР Дәүләт Советы Рәисе урынбасары Татьяна Ларионова Алабугадагы «Адымнар» мәктәбе дә шушы челтәргә керүгә дәгъва иткәнен әйтте. «Быел ачылган ике яңа мәктәп тә бу юлны дәвам итәргә әзер», — диде.

«ЮНЕСКО ассоциацияле мәктәпләре челтәре» проекты ЮНЕСКО тарафыннан 1953 елда гамәлгә куелган һәм бүген иң уңышлы проектларның берсе санала. Ассоциацияле мәктәпләр заманча дөньяның төп проблемаларына игътибар юнәлтә. Бу челтәрдәге мәктәпләр балалар һәм яшьләргә сыйфатлы белем бирү, халыкара аңлау, татулык тәрбияләүгә йөз тота.

Сәхифәләр

«Адымнар» мәктәбе ЮНЕСКО ассоциацияле мәктәпләре челтәренә керергә мөмкин