Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Адвокат җыештырылмаган подъезд өчен кая мөрәҗәгать итәргә кирәклеген аңлатты
Подъездда тәртип урнаштыру өчен идарәче компания җавап бирә. Россиянең мактаулы адвокаты Людмила Айвар «Татар-информ» агентлыгы белән әңгәмәсендә шулай дип белдерде.
Аның сүзләренчә, идарәче компания хезмәткәрләр яллый яки клининг хезмәтләрен җәлеп итә, ә чыгымнар йортта яшәүчеләрдән җыелган акчалардан финанслана. Бу түләүләр шулай ук йорт эчендәге һәм йорт яны территорияләрен — ишегалларын һәм якын-тирә участокларны җыештыру чыгымнарын каплый.
«Подъездны җилләтергә, себерергә, юарга кирәклеген билгели торган махсус график бар. Барысы да технологик яктан эшләнгән», - дип аңлатты Айвар.
Әгәр тәртип үтәлмәсә, йортт яшәүчеләр идарәче компаниягә мөрәҗәгать итәргә хокуклы. Адвокат шәһәрнең бердәм белешмә хезмәтенә шалтыратырга киңәш итә - алар барлык зур торак пунктларда, шул исәптән Казанда да бар.
«Без бу бердәм белешмә хезмәтенә шалтыратырбыз һәм: «Исәнмесез, батареядан су ага, тәрәзә ватылган яки подъезд җыештырылмаган», - дип әйтәбез. Заявка хакимият органнары тарафыннан теркәлә һәм йортка кем хезмәт күрсәтүенә бәйле рәвештә идарәче компаниягә яки торак-эксплуатация конторасына тапшырыла», — диде Айвар.
Ул һәр заявка өчен үтәү сроклары билгеләнгәнлеген һәм шул вакыт эчендә хилафлыклар бетерелергә тиешлеген искәртте.
Кызыклы яңалыкларны күзәтеп бару өчен Телеграм-каналга язылыгыз